Bu gündən, 1 aprel tarixindən Gürcüstanda
istənilən qalınlıqda polietilen torbaların istifadəsi, idxalı və
istehsalı qadağan olunub.
Qaydalar qüvvəyə minmədən 4 gün əvvəl Marneulidə
sahibkarların əksəriyyəti yeni qanun haqqında heç nə bilmirdi,
ancaq dəyişikliklər üçün hazır olduqlarını bildirirdilər.
Bu qaydanın pozulması halında sahibkarlar 500 lari həcmində
cərimələnəcək və məhsul əlindən alınacaq. Qaydaların təkrar
pozulması halında isə sahibkar subyekt 1 000 lari həcmində
cərimələnəcək.
Polietilen torba satışı ilə məşğul olanları qaydaya əsasən yerli
özünüidarəetmə orqanları yoxlamalıdır. Marneuli meriyasından
bildirirlər ki, bununla bağlı onlara hələ tam hüquq verilməyib.
Torba istehsalçılarına Gürcüstanın Ətraf Mühitin Mühafizəsi və Kənd
Təsərrüfatı Nazirliyinin Ətraf Mühitə Nəzarət Departamenti nəzarət
edəcək.
Qeyd edilməlidir ki, polietilen torbalar bioloji olaraq parçalana
bilən torbalardan görünüş olaraq fərqlənmir. Ancaq o daha az
dözümlüdür və onun çürüyeb torpağa qarışması üçün 2 il
kifayətdir.