Marneulinin sabiq meri Temur Abazov meriyadan
işləmədiyi ayların maaşı olan 32 000 larini ala
bilməyəcək.
Qeyd
edək ki, Abazov həbsdə olduğu 7 ay ərzində səlahiyyətləri
dayandırıldığına görə ala bilmədiyi maaşını tələb edirdi. Bələdiyyə
Məclisi bu tələbi arayış qismində 13 mart tarixində keçirilmiş
iclasda qəbul etmişdi.
Məsələnin müzakirəsi meriyaya həvalə olunmuşdu və bununla bağlı
mənfi qərar qəbul olundu. Abazovun tələbinin nə üçün təmin
olunmaması ilə bağlı meriyada yalnız onu deyirlər ki, bu tələb
hüquqi çərçivəyə sığmır. Meriyadan bildirirlər ki, bu mərhələdə
qərarı yalnız Bələdiyyə Məclisi qəbul edib və hələlik tərəflərə
göndərməyib.
“Bütün proseduralar keçildikdən sonra əgər
ictimailəşdirilməsinə ehtiyac olarsa, biz
ictimailəşdirəcəyik”, – meriyadan deyirlər.
Temur Abazov 7 ay müddətində ilkin həbsdə olub. O, Marneuli sakini
Elçin Allahverdiyevə qarşı qeyri-insani və alçaldıcı rəftarda
ittiham olunur. Məhkəmə Temur Abazovu 13 dekabr tarixində girov
qarşılığında azadlığa buraxmışdı. 12 fevral tarixində isə Marneuli
Bələdiyyə Məclisi Abazovun ərizəsi əsasında onun mer
səlahiyyətlərini dayandırmışdı.