Marneulidə mərkəzləşdirilmiş şəkildə keçirilən
eksternat imtahanlarından bütün şagirdlər
kəsilib.
Marneuli Təhsil Resurs Mərkəzinin rəhbəri
Kənan Ömərovun “Marneuli” radiosuna bildirdiyinə görə,
mərkəzləşdirilmiş şəkildə keçirilmiş imtahanlar üçün Marneuli
miqyasında 6 şagird qeydiyyatdan keçib və onlardan heç biri keçid
balını toplaya bilməyib.
Resurs Mərkəzindən bildirildiyinə görə, mərkəzləşdirilmiş eksternat
imtahanları yalnız gürcüdilli məktəblərdə 12-ci sinif şagirdləri
üçün keçirilir və suallar Təhsil, Elm, Mədəniyyət və İdman
Nazirliyi tərəfindən göndərilir.
Qeyri-gürcüdilli məktəblər üçün isə eksternat imtahanlarının
suallarını məktəblər özləri hazırlayır. Qeyri-gürcüdilli
məktəblərdə eksternat imtahanlarından şagirdlərin neçə faizinin
keçdiyi isə hələlik məlum deyil. Bu barədə məlumatı Resurs
Mərkəzinə Marneuli ictimai məktəbləri göndərəcəklər.