9 aprelə həsr olunmuş tədbirlər 8 aprel axşamından başlayacaq
Marneulidə 9
aprelə həsr edilmiş tədbirlər keçiriləcək.
İlk
tədbir bu gün, 8 apreldə iki tədbir isə sabah, 9 apreldə baş
tutacaq.
Bizimlə söhbət zamanı meriyanın İctimaiyyətlə Əlaqələr Şöbəsinin
rəhbəri Mariam Xaçidzenin dediyinə görə, bu gün Sereteli kəndində
olan 9 aprel parkında “Azadlıq üçün təşəkkür” adlı aksiya-tədbir
baş tutacaq.
1989-cu ilin 9 aprel və 1991-ci ilin 9 aprel hadisələri ilə bağlı
sənədli kadrlar nümayiş olunacaq. Memoriala mərkəzi və yerli
hakimiyyət nümayəndələri əklil qoyacaq. Qeyd edilməlidir ki, tədbir
bu gün, 8 apreldə saat 23:30-da başlayacaq.
9 apreldə həlak olan qəhrəmanların xatirəsinə hörmət olaraq
tədbirlər eləcə də Tamarisi və Algeti kəndlərində də
keçiriləcək.