Bu gün 9 aprel faciəsindən 30 il ötür.
Tamarisidə yaşayan Rusudan Davitadze 1989-cu ildə aksiyada iştirak
edirmiş.
Öz
hisslərini bizimlə bölüşdü və 9 apreli azadlıq üçün mübarizə günü
adlandırır.
“Həmin gün çox ağır xatırlanan gündür. Azadlıq üçün
mübarizə başlayanda Tamarisidən demək olar ki, 35% gənclər
mübarizəyə qoşuldu və Tbilisiyə aksiyaya gedirdilər. Sonra biz
analar da qoşulduq. Həmin gecə iştirak etmirdim ancaq əvvəlki
gecələri orada keçirdim. Hər il gecə saat 12-də çıxıram və burada,
memorialın yanında şam yandırıram. Hamının yadında qalan gün
olmalıdır. Həmin 9 aprel Gürcüstanın azadlğına yol açdı. Bunların
hamısı onların fədakarlığının nəticəsidir” - Rusudan
Davitadze gözü yaşlı 9 aprel hadisələrini xatırlayır.
1989-cu ilin 9 aprelində, səhərə yaxın Sovet Şurasının silahlı
qüvvələri Tbilisinin mərkəzində, parlament binasının qarşısında
dinc etiraz aksiyasını dağıtdılar və ölənlər oldu.
Nəticədə 21 adam həlak oldu. Parlamentin qarşısına toplanmış
minlərlər vətəndaş qeyri-müəyyən tərkibli qazdan zəhərləndi.
1991-ci ilin 9 aprelində o zamankı Ali Şura həmin tarixi Gürcüstan
dövlətçiliyinin müstəqilliyinin bərpası günü elan etdi.