“Güc Birlikdədir” Marneuli meri vəzifəsinə Aqil Mustafayevin namizədliyini rəsmi olaraq təqdim etdi
Bu gün, 11 aprel tarixində “Güc Birlikdədir”
Marneuli meri vəzifəsinə Aqil Mustafayevin namizədliyini rəsmi
olaraq təqdim etdi.
Mustafayev 19 may tarixində növbədənkənar mer seçkilərində Marneuli
meri vəzifəsi uğrunda mübarizə aparacaq.
Merliyə namizədin “Marneuli” radiosu ilə söhbəti zamanı dediyinə
görə, o, qalib gələcəyinə əmindir.
“Biz mütləq şəkildə qalib gələcəyik. Biz qalib gələndən
sonra mütləq Marneulidə nepotizmi, korrupsiyanı sona yetirəcəyik və
bu qələbə yalnız mənim, yalnız bizim qələbəmiz olmayacaq. Bu qələbə
eyni zamanda bütün Marneulililərin qələbəsi olacaq. Artıq xalqın
qələbə çalmasının vaxtıdır”, – deyə Aqil Mustafayev
bildirib.
Merliyə namizədin təqdimatında “Güc Birlikdədir”in mərkəzdən olan
və yerli liderləri də iştirak edirdilər.
“Güc Birlikdədir”in prezidentliyə keçmiş namizədi Qriqol Vaşadze
Marneulililərin onların partiyasına olan dəstəyinə diqqət çəkdi.
Onun sözlərinə görə, prezident seçkilərində Marneulidə “Güc
Birlikdədir” qalib gəlib və indi də, mer seçkilərində Marneuli
xalqı məhz Aqil Mustafayevi dəstəkləyəcək.
“Aqil Mustafayev peşəkarların cəmləşdiyi, Gürcüstanı
rüşvətxorluqdan, sükunətdən, iqtisadi çöküşdən və kütləvi
emiqrasiya şəraitindən çıxara biləcək insanların olduğu gücü təmsil
edir”, – Qriqol Vaşadze bildirdi.
Xatırladırıq ki, 19 may tarixində keçiriləcək növbədənkənar mer
seçkilərində “Güc Birlikdədir”in namizədi Aqil Mustafayev, “Gürcü
Arzusu”nun namizədi Zaur Darğallı, “Avropalı Gürcüstan”ın namizədi
Əhməd İmamquliyev və müstəqil namizəd Əli BƏdirov mer vəzifəsi
uğrunda mübarizə aparacaq.