Ukraynadakı seçkilərdə Zelenskinin qələbəsini Marneulidə müxalifət üzvləri də qeyd ediblər
"Güc
Birlikdədir" hərəkatının liderləri gecə saat 12:00-da Ukrayna və
Gürcüstanın bayraqları ilə Marneulinin 9 aprel parkında Zelenskinin
qələbəsini qeyd etmək üçün qısa video və fotolar
çəkiblər.
Parlamentin dördqat deputatı Azər Süleymanov, Marneuli merliyinə
namizəd Aqil Mustafayev və başqa qərargah üzvləri Vladimer
Zelenskinin sabiq prezident Petro Poroşenkoya qalib gəlməsini belə
qeyd ediblər.
Vladimer Zelenski ilkin göstəricilər əsasən səslərin 73%-ni,
Poroşenko isə 27%-ni toplayıb. Toplananlar şəkil və videoları
"Yaşasın Ukrayna" fonunda çəkiblər. İştirakçılar aksiyanı "yaşasın
Mişa" şüarı ilə başa vurublar.
Yayımlanan videonun müəllifi Azad Kərimovdur. O, prezident
seçkilərindən sonra "Avropalı Gürcüstan" partiyasından Milli
Hərəkatın sırasına keçib.