Marneulinin majoritar deputatı Tamaz Naveriani
hesab edir ki, Pankisiyə getməklə vəziyyətin tənzimləməsinə dəstək
olub.
Naveriani 21 apreldə Pankisidə olub və bunu
təsvir edən fotoları yerli media vasitəsi "WAY" Radiosu öz facebook
səhifəsində yayımlayıb. Maraq yaranır ki, Marneulili Parlament üzvü
Pankisi dərəsinə niyə gedib və bununla bağlı Tamaz Naverianiyə zəng
vurduq. O, deyir ki, gedən proseslərin “uzağa getməsini”
istəmirmiş.
“Görəndə ki, Pankisidə vəziyyət necədir orya getdim.
Pankisidən çox dostum var və çox adam tanıyıram. Getdim ki,
vəziyyətin tənzimləməsinə bir köməyim olsun. Bu yalnız mənim
marağım idi. Bu problem dərinə getməsin, daha artıq çətinlik
olmasın deyə öz töhfəmi
verdim. Hesab edirəm ki, öz qatqımı
daxil etdim, orada adamlarla danışdım və onlar həmin halda vacib
olan mövqelərini başa düşdülər və indiki mərhələdə mövqelər artıq
tənzimlənib” - "Marneuli" radiosuna Tamaz Naveriani
bildirir.
Polis və yerlilər 21 apreldə Pankisi dərəsində qarşıdurmaya
çıxıblar. Əhali dərədə tikilən hesin inşasına etiraz edir.
Qarşıdurma nəticəsində polis maşınları və hesi tikən şirkətə aid
olan tikinti texnikasına zərər dəyib. Polis göz yaşardıcı qazdan və
rezin güllədən istifadə edib. Əhali isə hüquq mühafizəçilərinə daş
atıblar.
Dərəyə Daxili İşlər Naziri Qiorqi Qaxaria da gedib. Yerlilərlə
danışıqlardan sonra o, deyib ki, hesin inşası əhalinin 90%-i
layihəni dəstəkləməyənə qədər dayandırılacaq və xüsusi təyinatlılar
da ərazini tərk edəcək.