24 aprel tarixində Marneuli Mülki Məşğulluq Mərkəzində mer vəzifəsinə dörd namizədlə görüş keçiriləcək
Çərşənbə günü, 24 aprel tarixində saat
13:00-da “Mülki Məşğulluq Mərkəzləri Şəbəkəsinin” Marneuli ofisinin
təşkilatçılığı ilə Marneuli merliyinə
namizədlərlə görüş keçiriləcək.
Marneuli Mülki Məşğulluq Mərkəzinin anonsuna əsasən görüşdə
namizədlər vətəndaşların qoşulması istiqamətində Marneulidə olan
problemlər haqqında danışacaqlar və öz baxışlarını təqdim
edəcəklər. Konkret olaraq: Gender Bərabərliyi Şurası və Merin
Məsələhətçi Şurasının fəaliyyəti, kənd yığıncaqlarının təşkil
edilməsi və etnik azlıqlara ana dilində məlumat verilməsi haqqında.
Namizədlər eləcə də gənclərin, qadınların, fiziki məhdudiyyətli
şəxslərin ehtiyacları haqqında da öz baxışlarını təqim edəcəklər.
Namizədlərə vaxt veriləcək ki, bələdiyyənin sosial proqramındakı
problemləri müzakirə etsinlər və bələdiyyənin iqtisadi inkişaf
baxışlarını təqdim etsinlər.
Namizədlərə bir-birinə sualla müraciət etmək, eləcə də
auditoriyanın suallarına cavab vermək üçün vaxt veriləcək.
Marneulidə planlaşdırılan növbədən kənar mer seçkiləri üçün 15
namizəd qeydiyyatdan keçib. Görüşdə 4 namizəd iştirak edəcək: #2
“Avropalı Gürcüstanın” namizədi Əhməd İmamquliyev, #5 “Milli
Hərəkatın” namizədi Aqil Mustafayev, #41 “Gürcü Arzusunun” namizədi
Zaur Darğallı və #42 müstəqil namizəd Əli Bədirov.