Aqil Mustafayev Marneulili seçicilərə nə vəd edir – seçki proqramı
Marneulidə seçkiöncəsi kampaniya aktiv
mərhələyə qədəm qoyub.
Mer
vəzifəsinə namizədlər seçicilərlə görüşür, onları öz planları ilə
tanış edir və müəyyən vədlər verirlər.
Marneulidə ümumilikdə 15 namizəd qeydiyyatdan keçib, lakin onlardan
yalnız bir neçəsi fəallıq göstərir. Seçkiöncəsi kampaniyanı fəal
şəkildə aparan namizədlərdən biri birləşmiş müxalifət “Güc
birlikdədir”-in namizədi Aqil Mustafayevdir.
Biz Aqil Mustafayevin Marneulili seçicilərə nə vəd etməsi ilə
maraqlandıq. Onun seçki proqramına görə, Marneuli şəhərində 24 saat
içməli su ilə təmin olunacaq, daxili yollara asfalt örtüyü
çəkiləcək, müasir idman meydançaları yaradılacaq, təmizlik xidməti
maneəsiz çalışacaq, gənclərin ideyalarına dəstək fondu yaradılacaq
və ictimai nəqliyyat sakinlər üçün daha rahat olacaq.
Mustafayevin proqramına ayrı-ayrı inzibati ərazi vahidlikləri də
daxildir. Proqrama görə, “Güc birlikdədir”-in namizədi kəndlərdə
əsasən tullantılar, içməli və suvarma suları, yollar, bağçalar və
küçə işıqları problemlərinin həllini vəd edir.