Əhməd İmamquliyev Marneulili seçicilərə nə vəd edir – seçki proqramı
Marneulidə
seçkiöncəsi kampaniya aktiv mərhələyə qədəm
qoyub.
Mer
vəzifəsinə namizədlər seçicilərlə görüşür, onları öz planları ilə
tanış edir və müəyyən vədlər verirlər.
Marneulidə ümumilikdə 15 namizəd qeydiyyatdan keçib, lakin onlardan
yalnız bir neçəsi fəallıq göstərir. Seçkiöncəsi kampaniyanı fəal
şəkildə aparan namizədlərdən biri “Avropalı Gürcüstan”-ın namizədi
Əhməd İmamquliyevdir.
“Marneuli” radiosu İmamquliyevin seçicilərə nə vəd etdiyi ilə
maraqlandı. Onun seçki proqramına əsasən yeni uşaq bağçaları və
məktəblər tikiləcək, mövcud bağça və məktəblər isə təmir olunacaq,
Marneulinin bütün inzibati ərazi vahidliyində idman zalları
tikiləcək və futbol meydançaları yaradılacaq, ehtiyac içində
yaşayan, məhdud fiziki imkanlı və təqaüdçülər bələdiyyə
nəqliyyatından pulsuz istifadə edəcəklər, məhdud fiziki imkanlı
şəxslər üçün reabilitasiya mərkəzi yaradılacaq, tələbələr və
məzunlara təcrübə keçməkdə yardım göstəriləcək, Marneulidə və
kəndlərdə içməli su problemi həll olunacaq və kəndlərdə olan
parkların və mədəniyyət mərkəzlərinin bərpası/yenilənməsi həyata
keçiriləcək.
İmamquliyevin seçki proqramında Marneuli meriyasının işində
dəyişikliklərin edilməsi də nəzərdə tutulur. “Avropalı Gürcüstan”ın
mer vəzifəsinə namizədi Marneuli sakinlərinə meriya əməkdaşlarının
təcrübə və müsabiqə yolu ilə təyin olunacağını vəd edir. Marneuli
bələdiyyəsində azərbaycandilli və ermənidilli tərcüməçilər
çalışacaqlar ki, onlar da gürcü dilini bilməyən sakinlərə kömək
edəcəklər, Marneuli meriyasının rəsmi səhifəsi isə iki dildə
fəaliyyət göstərəcək.
Marneulidə növbədənkənar mer seçkiləri 19 may tarixində
keçiriləcək.