Gürcüstan Regional İnkişaf Fondu Marneulidə 3
layihəni maliyyələşdirə bilər.
Bu
barədə bu gün 30 aprel tarixində Bələdiyyə Məclisinin iclasında
məlumat verilib.
Marneuli merinin səlahiyyətlərini icra edən Zaur Tabatadze
Bələdiyyə Məclisinin iclasında bildirdi ki, dəyəri təxminən 1 100
000 lari olan layihələr Bələdiyyə Məclisindən keçdikdən sonra
Regional İnkişaf Fonduna göndəriləcək.
Marneuli bələdiyyəsinin Regionla İnkişaf Fondunun dəstəyi ilə
həyata keçirəcəyi bu layihələr yolların bərpası ilə bağlıdır.
Bu layihələrdən Aşağı Saralın daxili yollarına asfalt örtüyünün
çəkilməsi 468 140 lari, Axlı-Lələ kəndinin daxili yollarının
bərpası 322 910 lari, Seydi-Qocalı kəndinə gedən yola asfalt
çəkilməsi layihəsi isə 402 950 lari dəyərindədir.
Tabatadze Bələdiyyə Məclisinin iclasında onu da qeyd etdi ki,
Regional İnkişaf Fondu artıq Marneuliyə 5 160 000 lari ayırıb.