Marneuli meriyası qarşısında bu gün səhər saat 9-dan əhali sıxlığı və səs-küy idi. Keşəli və Ambarovka kəndinin 50-yə qədər sakini meriyanın qarşısında suvarma suyunun olmamasına etiraz edirdi.

Təqribən saat 11:00-da Ambarovka və Keşəli əhalisi ilə Marneuli meri görüşüb. Bizimlə söhbət zamanı Zaur Darğallının bildirdiyinə görə kəndlərdə olan vəziyyətlə tanışdır və su problemi olduğunu da bilir.

“Yay mövsümüdür və suvarma suyu müxtəlif səbəblərdən bizim problemimizdir, amma biz aktiv olara melorasiya ilə çalışırıq və əminəm ki, problemlər həll olunacaq” – Zaur Darğallı deyir.

Mer qeyd edir ki, Ambarovka və Keşəlinin suvarma su probleminin həllinə meriyanın nəzarət xidməti və melorasiya xidməti qoşulublar, onun müavini isə şəxsən kəndlərə gedəcək ki, suvarma suyu problemi qısa müddətdə həll olunsun.