Bu gün, 18 oktyabr tarixində Marneuli “Çay
Evində” Gürcüstan iqtisadiyyatı, problemlər və onların həlli
yolları ilə bağlı söhbət açıblar.
Bizimlə söhbət zamanı professor Ladi Papavanın bildirdiyinə görə,
bu gün Gürcüstan üçün ən əsas biliyə əsaslanan iqtisadiyyatın
qurulmasıdır.
“Bundan kənar bizim yalnız xilas etmək iqtisadiyyatımız
olacaq, yəni acından ölməməyimiz üçün olan iqtisadiyyat. Mənim
məqsədim də məhz odur ki, gənclərə göstərim ki, Gürcüstanın gələcək
perspektivi yalnız yüksək səviyyəli təhsili olan adamların çox
olmasındadır”, - Lado Papava deyir.
Professorun sözlərinə görə, Gürcüstan iqtisadiyyatının inkişafı
üçün mütləq ölkə yüksək texnologiyalara uyğun məhsulların
istehsalına başlamalıdır.
Marneulili gənclərlə görüş Gürcüstan Strateji və Beynəlxalq
Əlaqələr üzrə Araşdırmalar Fondunun layihəsi çərçivəsində baş
tutub. Marneulililər üçün seminarlar Gürcüstanın təhlükəsizliyi,
beynəlxalq əlaqələr və başqa Gürcüstan üçün aktual olan mövzularda
da keçiriləcək.