“Rustavi Su” MMC (“Rustavtskali”) ilə
“Marneuli Kənd Suları” MMC bağladığı müqaviləyə əsasən “Rustavi Su”
MMC maddi gəlir əldə edirmiş, Marneuli kəndlərinə isə yenə də
içməli su verilmirmiş.
Marneuli bələdiyyəsinin 2017-2018-ci illərin büdcəsinə əsasən
nəzərdə tutulmuş proqramların uyğunsuzluğu ilə bağlı Audit
hesabatına görə, 2018-ci ilin iyulunda “Marneuli Kənd Suları” MMC
“Rustavi Su” MMC şirkəti ilə müqavilə bağlayıb və müqaviləyə əsasən
Marneulinin Qullar, Kürtlər, Algeti və Kəpənəkçi inzibati ərazi
vahidliklərinə daxil olan kəndlərə içməli su verilməli idi.
Müqaviləyə əsasən “Rustavi Su” MMC içməli suyun keyfiyyətinə yalnız
nasos stansiyasında olan sayğaca qədər cavabdeh idi, suyun və
boruların keyfiyyətinə görə “Marneuli Kənd Suları” MMC məsuliyyət
daşıyırmış.
“2018-ci ilin avqust-dekabr aylarında “Rustavi Su”
MMC-yə 78 300 lari ödənib. Ancaq 2018-ci ildə əhali suya görə pul
ödəməyib”, – Auditin hesabatında yazılıb.
Hesabatda qeyd olunub ki, əhaliyə içməli su verilməli olan borular
xarab olub və buna görə də suyun 80% itirmiş, qalan 20% isə
boruların xarab olmasına görə içmək üçün yararsız olub. Məhz buna
görə, “Marneuli Kənd Suları” MMC əhalidən suya görə pul toplaya
bilməyib.
Dövlət Audit Xidmətinin hesabatında deyilir ki, müqavilənin
bağlanması zamanı bələdiyyənin müvafiq məsuliyyətli şəxsləri
bələdiyyənin maraqlarını nəzərə alaraq hərəkət etməyiblər, çünki
müqavilə əhalinin ehtiyacı olan keyfiyyətdə və həcmdə suyun
verilməsini təmin edəcək şərtlərlə bağlanmayıb.