Marneuli bələdiyyəsinin bir neçə kəndində
2019-cu ilin aprel ayında aparılmış laborotoloji araşdırmalar
nəticəsində suyun çirkli olması halı aşkarlanıb.
Auditin hesabatında Marneuli bələdiyyəsinin 2017-2018-ci il büdcəsi
ilə nəzərdə tutulmuş proqramların uyğunsuzluğu haqqında məlumat
qeyd olunub. İmir kəndində suyun tərkibində artıq dərəcədə xlor
aşkarlanıb və onun həcmi öz həddindən 2,2 dəfə artıqdır.
“Xixani, Hallavar, Bəylər kəndlərində içməli suda
mikrobla çirklənmə qeydə alınıb. Nəticəyə əsasən qeyd olunan
kəndlərdə içməli sudan istifadə etmək müəyyən tənzimləmə işləri
həyata keçirildikdən sonra mümkündür” - Auditin
hesabatında yazılıb.
Audit Xidmətinin məlumatına görə, qeyd olunan pozuntular MMC-nin
fəaliyyətindən və onun funksiya-öhdəliklərinin natamam yerinə
yetirilməsindən xəbər verir.
Məsuliyyətli şəxslər Auditin araşdırması dövründə bildirdilər ki,
yuxarıda qeyd olunan problemlər artıq həll edilmişdir. Ancaq təkrar
laborotoriya araşdırmaları keçirilməyib.
Auditin nəticəsində qeyd olunub ki, Maneuli meriyası tərəfindən
“Marneuli Kənd Suları” MMC -nın götürdüyü öhdəliyi nə dərəcədə
yerinə yetirdiyi araşdırılmayıb. Bələdiyyə eləcə də MMC-yə
2017-18-ci illərdə ayrılmış 2 078 800 larilinin effektivliyini
əsaslandıra bilməyib.