Barışıq və Vətəndaş Bərabərliyi Məsələləri
üzrə Dövlət naziri aparatı beynəlxalq tolerantlıq həftəsi ilə bağlı
“bizim rəngarəngliyimiz bizim zənginliyimizdir” mövzusunda foto
müsabiqə elan edib.
Müsabiqəyə təqdim olunan foto Gürcüstanda yaşayan müxtəlif etnik,
dini qrupların birgə yaşamını, gündəlik həyat tərzini və
ənənələrini əks etdirməlidir.
Arzu edən hər kəs müsabiqədə iştirak edə bilər. Müsabiqə üçün foto
fotokamera, həmçinin, mobil telefonla çəkilə bilər. Ağ-qara və
rəngli fotolar qəbul olunacaq. Foto aşağıdakı meyarlara uyğun
olmalıdır:
•Fotonun minimal ölçüsü 1920X1080 olmalıdır;
•Fotolar JPEG və PNG formatda qəbul olunacaq;
•Fotonun müəllif hüquqları müəllifə aid olmalıdır.
Qaydalara əsasən hər bir iştirakçı 3 foto təqdim edə bilər.
Müsabiqə üçün materiallar 1 noyabrdan 13 noyabra qədər qəbul
olunacaq. Fotoları qeyd olunan ünvana göndərə bilərsiniz:
CLOAKING
.
Göndərilən zaman “subject”-də foto müsabiqəsinin mövzusunu qeyd
edin. Həmçinin, fotonun müəllifinin ad və soyadı, əlaqə nömrəsi
qeyd olunmalıdır.
Xüsusi seçilmiş jüri 13 qalib fotonu seçəcək və simvolik mükafatlar
22 noyabrda, beynəlxalq tolerantlıq gününə həsr edilmiş təntənəli
tədbirdə qaliblərə təqdim olunacaq. Həmin tədbirdə 13 qalibin
işləri sərgilənəcək. Qeyd olunan fotolar 2020-ci ilin masa
təqvimində çap olunacaq.
Müsabiqə ABŞ-ın Beynəlxalq İnkişaf Agentliyi (USAİD) tərəfindən
dəstəklənir və Gürcüstanda BMT Assosiasiyasının (UNAG) tolerantlıq,
vətəndaş maarifləndirilməsinə və inteqrasiyaya dəstək proqramı
(PİTA) tərəfindən maliyyələşdirilir.