Marneuli meri, Bələdiyyə Məclisinin sədr
müavini və Bələdiyyə Məclisinin üzvləri bu gün, 6 noyabr tarixində
Marneulinin mərkəzi stadionunun qarşısında sakinlərlə
görüşüb.
“Marneuli” radiosu ilə söhbəti zamanı mer Zaur Darğallı bildirdi
ki, sakinlər daxili yollar, küçə işıqları, dayanacaqlar və
istirahət məkanları kimi problemləri səsləndiriblər.
“Bu istiqamətdə artıq işlər aparılır, mərkəzi küçədə
işıqlandırma tamamilə yenilənəcək, yeni dayanacaqlar olacaq,
işıqfor dəyişdiriləcək, meydançaların bərpası ilə bağlı müsabiqə
elan olunacaq və şəhərdə mövcud olan problemlərin həlli üçün
əlimizdən gələni edəcəyik”, - Zaur Darğallı
bildirdi.
Marneuli meri ilə görüşə gələnlərin bir qismi sahibsiz itlər barədə
də söhbət açdılar. Sakinlərin bildirdiyinə görə, itlər dəstə ilə
küçələrdə dolanırlar, bu isə sakinlər üçün təhlükə yaradır.
Marneuli meriyasının nümayəndələri sakinlərlə “Açıq görüşlər”
layihəsi çərçivəsində görüşlər keçirirlər. Bu layihənin məqsədi
sakinlərin ehtiyacları ilə tanış olmaq və həmin ehtiyacları 2020-ci
ilin büdcəsində nəzərə almaqdır.