“Aldığımız bütün tövsiyələr mütləq
nəzərə alınacaq. Biz artıq bunun üzərində çalışmalara başlamışıq və
həll olunası məsələlər mütləq həll ediləcək”, –
Marneuli meri Zaur Darğallı “Marneuli” radiosuna Dövlət Audit
Xidmətinin hesabını şərh edib.
Marneuli bələdiyyəsinin 2017-2018-ci il büdcəsində nəzərdə tutulan
proqramların uyğunsuzluğu ilə bağlı Audit hesabatına əsasən
Marneuli meriyası 2017-2018-ci illərdə səmərəsiz şəkildə istifadə
ediblər.
“Marneuli bələdiyyəsi qeyri-maliyyə aktivlərinin
artırılması maddəsini müvafiq şəkildə planlaşdıra və həyata keçirə
bilməyib. Buna görə də, infrastruktur layihələr qismində müəyyən
olunmuş məhsullar sakinlərə müəyyən olunmuş vaxt ərzində çatdırıla
bilmir. Bu isə bələdiyyənin cavabdeh şəxsləri tərəfindən səmərəsiz
qərarların verildiyini göstərir”, – Auditin
hesabatında qeyd olunub.
Meriya tərəfindən birbaşa sərəncamla icarəyə verilmiş obyektlər də
Auditin hesabatında özünə yer tapıb. 2019-cu il 1 yanvar tarixinə
olan məlumata görə, bələdiyyə ümumilikdə icarəyə 29 obyekt verib
ki, bunlardan da cəmi ikisi hərrac yolu ilə icarəyə verilib.
Hesabatda qeyd olunduğuna görə, cavabdeh şəxslər nə üçün birbaşa
sərəncam formasına üstünlük verdiklərini əsaslandıra
bilməyiblər.
Hesabatda, həmçinin, merin nümayəndələri tərəfindən yanacağın
məqsədyönlü şəkildə sərf olunmadığı, tenderlərin vaxtında
tamamlanmadığı, icarəyə götürülmüş obyektlərə külli miqdarda pul
ödənməsi və s. də qeyd olunub.
Marneuli meri bizimlə söhbəti zamanı qeyd etdi ki, müəyyən
məmurları məsuliyyətə cəlb olunması məsələsi istintaq orqanlarının
səlahiyyətindədir.
“Pul yeyintisi və s. Bu merin səlahiyyətində deyil,
Bununla müvafiq orqanlar məşğul olur, istintaq davam edir və
nəticələri gözləməliyik”, – Zaur Darğallı deyir.
Qeyd edək ki, Prokurorluq Dövlət Audit Xidmətinin Marneuli
Bələdiyyəsinin 2017-2018-ci il büdcəsi ilə nəzərdə tutulmuş
proqramların uyğunsuzluğu ilə bağlı hesabatı əsasında Cinayət
Məcəlləsinin 332-ci maddəsinn 2-ci hissəsi ilə istintaqa başlayıb.
Həmin maddə vəzifədən sui-istifadəni nəzərdə tutur.