Meriyanın mülkiyyətində olan əmlakdan səlahiyyəti olmayan şəxslər icazəsiz istifadə edir
Marneuli bələdiyyəsinin mülkiyyətində istifadə
olunmayan əmlak var. Dövlət Audit Xidməti qeyd olunan əmlakla
maraqlanıb.
Məsələni araşdırması nəticəsində məlum olub
ki, bələdiyyədə istifadə olunmayan əmlakın bir hissəsi səlahiyyəti
çatmayan şəxslər tərəfindən kommersiya işləri üçün istifadə olunur.
Məsələn; Marneuli bələdiyyəsinin icra hakimiyyətinin tələbi ilə
icarəyə vermək məqsədi ilə 2017-ci ilin 13 noyabrında Marneuli
bələdiyyəsinə əlavə əmlak olaraq dövlət tərəfindən Ağmaşenebeli
küçəsində (bazar ərazisi) yerləşən 30 kv.m torpaq sahəsi
verilib.
Qeyd olunan sahədə ticarət obyektləri (mağaza) yerləşir. Sahənin
bələdiyyə əmlakı olaraq qeydiyyat olunmasından 17 ay keçməsinə
baxmayaraq obyektin istifadəyə verilməsi hüquqi baxımdan qaydasına
salınmayıb. Nəticədə məkandan istifadə edən şəxs icarə pulu ödəmir
və bələdiyyə gəlir əldə etmir. Araşdırma nəticəsindı aydın olub ki,
obyektdən istifadə edən bələdiyyə ilə əlaqəsi olan şəxsdir.
Həmin ərazidə olan 39 kv.m və 4 kv.m ərazi də bələdiyyənin
əmlakıdır və həmçinin, kommersiya işləri üçün səlahiyyəti çatmayan
şəxs tərəfindən istifadə olunur.
|
|
Qeyd edilməlidir ki, Marneuli şəhərinin bazar
ərazisindəki bazar qiymətlərini nəzərə almaqla qeyd olunan sahənin
icarə qaydası ilə verilməsi halında bələdiyyənin büdcəsinə illik
təqribən 16.0 min lari gəlir gələcəkdi – Auditin hesabatında
yazılıb.
Marneulid, Ağmaşenebeli küçəsində, təsərrüfat bazarının ətraf
ərazisində bələdiyyənin əmlakı olaraq qeydiyyatdan keçmiş 1830 kv.m
17,576 kv.m 18 və 162 kv.m 19 sahələr icazəsiz şəkildə pullu
avtomobil dayanacağı kimi istifadə olunur. Nəticədə, sahənin
istifadəçisi icarə haqqı ödəmir və bələdiyyə gəlir əldə etmir.
Qeyd olunan ərazi ətrafında, bələdiyyə tərəfindən 20,1 kv.m sahə
icarə qaydası ilə, birbaşa istifadəyə verilib və illik dəyəri 16
min laridir, sahədən həmçinin, pullu avtomobil dayanacağı kimi
istifadə olunur. Qeyd edilməlidir ki, istifadəyə verilməyən
ərazinin icarəsindən 16 lariyə verdiyi halda bələdiyyə illik 41.0
min lari, bazar qiyməti ilə verdiyi halda isə olduqca daha çox
məbləğ əldə edəcəkdi.
Marneulidə, Rustaveli küçəsində, şəhərin mərkəzi hissəsində 555
kv.m kənd təsərrüfatı üçün uyğun olmayan torpaq sahəsi fərdi şəxs
tərəfindən icazəsiz hasarlanıb və kommersiya işi üçün istifadə
olunur.
Eləcə də məlum olub ki, Sadaxlı kəndində, bələdiyyənin əmlakında
olan Mədəniyyət Evinin binasında və həyətində (i/k 83.16.13.017),
icazəsiz olaraq qida obyekti tikilib (“çayxana), həmin kənddə
yerləşən başqa binada isə (i/k 83.16.07.518), icazəsiz olaraq
gözəllik salonu fəaliyyət göstərir.
Ağməmmədli kəndinin Mədəniyyət Evində də “çayxana” yerləşir.
Xocorni kəndində, bələdiyyənin əmlakına daxil olan binalardan
birində ticarət obyekti (qarışıq mallar mağazası) qurulub.
Marneuli bələdiyyəsi müvafiq sənədləşdirmədən kənar,
birbaşa istifadə qaydası ilə bazar qiymətindən aşağı dəyərə
müxtəlif obyektləri icarəyə verib. Eləcə də bələdiyyənin əmlakının
bir hissəsindən, səlahiyyəti çatmayan şəxslər tərəfindən kommersiya
işi üçün istifadə olunur. Beləliklə, icarəçilərin bir hissəsi uzun
müddət ərzində icarə haqqını ödəməyib. Nəticədə bələdiyyə
tərəfindən əmlakın istifadəyə verilməsi səmərəsiz şəkildə həyata
keçirilir – Auditin hesabatında yazılıb.
Qeyd edilməlidir ki, Marneuli bələdiyyəsinin vaxtında bələdiyyə
əmlakının səlahiyyətsiz şəxslər tərəfindən özbaşına istifadə
olunması faktlarını müəyyən edəcək və müvafiq ölüçlər götürəcək
nəzarət mexanizmləri yoxdur.
İstifadə olunan şəkillər Audit xidmətinin hesabat sənətindən
götürülüb.