“Marneuli Kənd Suları” (“Soptskali”) içməli su
nümunələrini Natadze adına Araşdırmalar İnstitutuna
göndərib.
“Marneuli Kənd Suları”-nın direktor müavini
Aleko Mamukaşvili bizimlə söhbəti zamanı bildirdi ki, içməli suyun
laboratoriya analizi hər ay keçirilir. Bu mərhələdə 15 kənddən
içməli su nümunələrini analiz üçün göndərilib.
“Əgər vəziyyət yaxşı olmazsa, dərhal Araşdırmalar
İnstitutuna bildiririk və gəlib nümunələr götürürlər. Əgər suda
problem aşkarlanarsa, problemin harada olduğunu araşdırırıq,
nasazlığı aradan qaldırırıq və sonra yenə gəlirlər və yeni
nümunələr götürürlər”, – Aleko Mamukaşvili deyir.
“Marneuli Kənd Suları”-nın nümayəndəsi deyir ki, Marneuli
sakinlərinə verilən içməli su sistemli şəkildə yoxlanılır. Buna
baxmayaraq, Marneuli bələdiyyəsinin bir neçə kəndində2019-cu ilin
aprel ayında həyata keçirilmiş laboratoriya yoxlaması nəticəsində
suyun çirkləndiyi aydın oldu.
Marneuli bələdiyyəsinin 2017-2018-ci il büdcəsində nəzərdə tutulmuş
proqramların uyğunsuzluğu ilə bağlı Audit hesabatında qeyd edilib
ki, İmir kəndində xlorun miqdarının yolveriləndən 2.2 dəfə artıq
olduğu qeydə alınıb.
“Xixan, Hallavar, Bəylər kəndlərində içməli suyun
mikrobioloji çirklənməsi qeydə alınıb. Qeyd olunan kəndlərdə su
yalnız təmizləndikdən sonra istifadə edilə bilər”, –
Auditin hesabatında yazılıb.
Auditin araşdırma apardığı zaman cavabdeh şəxslər bildiriblər ki,
qeyd olunan problemlərartıq həll olunub, lakin təkrar laboratoriya
analizini təsdiq edən heç bir sənəd təqdim etməyiblər.
Milli Ərzaq Agentliyinin İctimaiyyətlə Əlaqələr Şöbəsindən
“Marneuli” radiosuna bidliriblər ki, agentlik son 6 ay ərzində
İmir, Xixani, Hallavar və Bəylər kəndlərinin suyunu yoxlamayıb.
“Əgər hər hansı bir şübhəniz varsa, bizim 1501 nömrəli
qaynar xəttimizə kənddə içməli suyun çirkli olması ilə bağlı
məlumat verə bilərsiniz. Bundan sonramüvafiq reaksiya göstərilir,
yəni nümunə götürülür, yoxlanılır və vəziyyətlə bağlı rəsmi şəkildə
məlumat verilir”, – Milli Ərzaq Agentliyinin
nümayəndəsi Tea Şvelidze bildirdi.
Qafqaz Ekoloji Qeyri Hökümət təşkilatları şəbəkəsi CENN-in layihə
koordinatoru Mariko Tsikoridze deyir ki, Xixani kəndində mövcud
içməli su problemi ilə bağlı onların da məlumatı var. Digər
kəndlərə gəlincə isə, CENN-in məsələni araşdıracağını və Birləşmiş
Su Təchizatı idarəsinə müraciət edəcəyini bildirdi.