Marneuli meriyasının yol nişanlarının
bərkidilməsi üçün dəmir dirəklərin alınması ilə bağlı elan etdiyi
tender baş tutmayıb və tender yenidən, dəyəri artırılaraq elan
edilib.
Meriyanın alqı-satqılar üzrə şöbəsinin rəhbəri
Zanda Kvançiani deyir ki, bu dəyişikliyə yetərli olmayan məbləğ
səbəb olub.
“Dəyəri artırmağa məcbur olduq ki, namizədlər
maraqlansın”, – Zanda Kvançiani deyir.
Meriya yol nişanları ilə bağlı 2 100 lari dəyərində olan ilk
tenderi 6 noyabrda elan edib. İştirak etmək istəyən şirkətlər 12
noyabrdan 14 noyabra qədər müraciət edə bilərlər.
Qalib gələn şirkət 20 ədəd dəmir dirəyin (sonrakı xidmətlə: beton
tökmə) yerləşdirilməsi ilə bağlı işləri müqavilə bağladıqdan 15 gün
müddətində həyata keçirməlidir. Dirəklərin qurulması işləri
mərhələli şəkildə, tələblərə uyğun olaraq yerinə
yetirilməlidir.