23 yaşlı fəhlə, Anri Maxaroblidzenin 7
noyabrda dünyasını dəyişdiyi tikintidə nə baş verib? – dövlət
müəssisələrinin baş verən hadisə ilə bağlı müxtəlif versiyaları
var.
İşlə
təmin edən “Qiqero” şirkətinin təsisçisi, Qia Dolidze deyir ki,
bizim suallarımıza hələ cavab verməyəcək, çünki müstəntiqin
suallarını cavablandırır.
Hadisə Batumidə 26 may və Besik küçələrinin kəsişməsində baş verib.
Təcili-tibbi yardım xidməri fəhləni tibbi mərkəzə yerləşdirib,
ancaq klinikadan deyirlər ki, o, xəstəxanaya yerləşdirilənə qədər
artıq dünyasını dəyişibmiş. Dünyasını dəyişən “Qiqero” şirkətində
çalışırmış.
“Bizim məlumatımıza görə, iki fəhlə qaldırıcıya
minibmiş və kanat sınıb. Xoşbəxtlikdən fəhlələrdən biri xilas olub.
Burada tikinti artıq başa çatıb və təkrar boyama işləri
aparılırdı”, - Batumi meriyasının Nəzarət Şöbəsinin
rəhbəri İrakli Mokia bildirir. Onun izah etdiyinə görə,
qaldırıcının texniki yoxlanılması və aparılan işlərə nəzarət etmək
meriyanın öhdəliyi deyil. Bu ev hələ ki, binaya meriyaya təhvil
verilməyib.
Əmək müfəttişliyindən bildirirlər ki, bu tikinti obyekti
müfəttişlik tərəfindən yoxlanılmayıb.
Qeyd olunan müəssisələrdən başqa tikinti işlərinə nəzarəti müəyyən
hallarda İqtisadiyyat Nazirliyinin şöbələrindən biri həyata
keçirir. Ancaq burada qeyd ediblər ki, bu kimi hallara nəzarət
onların səlahiyyətindən kənardır.
İndiki mərhələdə həmin obyektdə təhlükəsizlik müfəttişinin çalışıb
çalışmaması məlum deyil. Qanuna sonda daxil olan dəyişikliklərə
əsasən təhlükəsizlik müfəttişinin olması məcburidir.