Marneulinin
majoritar deputatı Ruslan Hacıyev proporsional sistemə keçməklə
bağlı fikrini dəyişib.
“Marneuli” radiosu ilə söhbəti zamanı Ruslan Hacıyev bildirib ki,
əvvəl o, proporsional sistemi dəstəkləyirdi, ancaq indi əhali ilə
görüşlərdən sonra fikrini dəyişib.
“İndi mən də yeni layihəyə qarşıaym, ona görə ki,
daxildə (Gürcü Arzusunda) bu mövzu müzakirə olunacaq və sabah
partiyanın ofisində bununla bağlı iclas keçiriləcək”,
- Ruslan Hacıyev dedi.
Ruslan Hcıyev eləcə də izah edir ki, əhali ilə görüşlər zamanı
böyük tələb olub ki, majoritar sistem ləğv edilməsin.
“Mənim üçün şəxsi mövqeyim, partiyanın şəxsi mövqeyi, çoxluğun və
ya müxalifətin mövqeyi vacib deyil. Mənim üçün bizim seçicilərin və
bizim əhalinin mövqeyi vacibdir”, - Ruslan Hacıyev
dedi.
Ruslan Hacıyev bizimlə söhbət zamanı deyir ki, “seçki sisteminin
dəyişdirilməsi ilə bağlı Gürcü Arzusu”nun mövqeyi dəyişməzdir və
partiya yenidən proporsional sistemi dəstəkləyir. Onun şəxsi
mövqeyi fərqlidir.
Gürcüstan hakimiyyəti 20-21 iyun aksiyalarından sonra vəd verib ki,
2020-ci ilin parlament seçkiləri proporsional sistemlə və sıfır
maneə ilə keçiriləcək. Buna baxmayaraq 12 noyabrda parlament
müzakirəsi zamanı deputatların bir hissəsi məsələni dəstəkləməklə
bağlı fikrini dəyişib.
"Marneuli" Radiosu