“Yalançı hakimiyyət, yalançı cənab
Bidzina İvanişvili yalnız Parlament müxalifətini deyil, bütün
Gürcüstanı aldatdı”, – “Avropalı Gürcüstan”-ın siyasi
şurasının üzvü Əhməd İmamquliyev “Marneuli” radiosu ilə söhbəti
zamanı dedi.
O, bizimlə söhbəti zamanı qeyd etdi ki, Gürcüstan sakinlərinin
əksəriyyəti proporsional seçki sisteminə keçməyi istəyir, lakin
hakim partiya Gürcüstanda demokratik yolu bağlayıb.
“Bidzina İvanişvili necə ki, 2012-ci ildə aldatmaqla hakimiyyətə
gəldi, necə ki, artıq yeddi ildir aldadaraq hər şeyi edir, 2020-ci
il seçkilərini də aldadaraq qazanmaq istəyir”, –
Əhməd İmamquliyev dedi.
İmamquliyevin sözlərinə görə, 14 noyabr tarixində “Avropalı
Gürcüstan”-ın siyasi şurası toplanacaq və sonrakı addımlarının nə
olacağı ilə bağlı qərar verəcəklər.
Qeyd edək ki, Gürcüstan Parlamenti proporsional seçki sistemi ilə
bağlı qanun layihəsini dəstəkləməyib. Qanun layihəsinin lehinə 101
deputat səs verib. Layihənin qəbul olunması üçün isə ən az 113 səs
lazımdır.
"Marneuli" Radiosu