Bu gün, 14 noyabr tarixində Marneuli meri işçi
qrupu ilə birgə Rustaveli küçəsinin adı və nömrələnməsi
lövhələrinin montaj edilməsində iştirak edib.
Zaur
Darğallının “Marneuli” radiosuna bildirdiyinə görə oxşar işlər
gələcəkdə də həyata keçiriləcək.
“Marneulidə böyümüşəm və demək istəyirəm ki, şəhərin
ünvanlaşdırılması yadıma gəlmir. Bu tendensiya mütləq davam
etməlidir. Biz kəndlərə də daxil olmalıyıq və nömrələməliyik. Əsas
odur ki, şəhərin görünüşü olsun və bütün problemlər həll
olunacaq”, - Zaur Darğallı deyir.
Marneuli meriyası 2019-cu ilin 11 sentyabrında Marneuli şəhərində
küçələrin adlandırılması və nömrələnməsinin qeyd olunduğu
lövhələrin (montajla yanaşı) alınması üçün 9 450 larilik tender
elan edib. Tenderdə üç namizəd iştirak edib. Meriyaya ən az məbləği
(7 359 lari) fərdi sahibkar Tamar Macavariani təklif edib. Meriya
onunla müqavilə bağlayıb.
"Marneuli" Radiosu