Kaxeti polisi fırıldaqçılıq ittihamı ilə mütəşəkkil cinayətkar qrupun üzvlərini saxlayıb
12:17 / 15.11.2019
Daxili İşlər
Nazirliyinin Kaxeti Polis Departamentinin əməkdaşları aparılan
istintaq əməliyyat tədbirləri nəticəsində mütəşəkkil cinayətkar
qrupun 3 üzvünü həbs edib.1978-ci il təvəllüdlü, keçmişdə oğurluq və
fırıldaqçılığa görə mühakimə edilmiş M.C., 1968-ci il təvəllüdlü
D.T. və 1981-ci il təvəllüdlü Z.S. fırıldaqçılıq ittihamı ilə həbs
olunub.
Törədilmiş cinayətə görə 7 ildən 10 ilə qədər azadlıqdan məhrumetmə
cəzası nəzərdə tutulur.
İstintaq nəticəsində aydın olub ki, müttəhimlər Kaxeti regionunda
yerləşən şərab zavodu və dənli bitkilər müəssisəsində olan
tərəzilərə gizlin şəkildə xüsusi elektron mikroskoplar montaj
ediblər və pult vasitəsilə tərəziləri uzaqdan idarə edirlərmiş.
Nəticədə onlar qeyd olunan müəssisəyə və vətəndaşlara maddi zərər
vurublar.
Polislər zərərçəkənlərə qarşı törədilən cinayət faktını aşkarlayan
kimi cari ilin sentyabrında, davamlı rejimdə istintaqa
başlayıblar.
Mütəşəkkil qrup tərəfindən törədilmiş fırıldaqçılıq faktı ilə bağlı
Cinayət Məcəlləsinin 180-ci maddəsinin 3-cü və 4-cü hissələri ilə
istintaq aparılır.