Saimerloda məhv edilmiş ikinci dünya müharibəsi memorialını 2020-ci ildə bərpa edəcəklər
Meriya Marneuli
bələdiyyəsinin Saimerlo kəndində uşaq bağçasının tikintisi zamanı
ikinci dünya müharibəsi qəhrəmanlarının memorialını hələ 2018-ci
ildən götürmüşdü və memorial orada yerləşən ağaca
söykənmişdi.
Meriyanın nümayəndələrinin bildirdiyinə görə,
memorial uşaq bağçasının tikintisi başa çatdıqdan sonra
yerləşdiriləcəkdi. Baxmayaraq ki, bir ağaca söykənmiş iki böyük
hissə daşınan zaman tam dağılıb bərpa etmək mümkün olmadı.
2019-cu ilin 2 aprelində "Marneuli" radiosu ilə söhbətində Marneuli
merinin müavini Laşa Lobjanidzenin bildirdiyinə görə, meriya məhv
edilmiş memorialın əvəzinə yeni memorialın qoyulması ilə bağlı
çalışırdı. Amma memrialın açılışının nə zaman olacağını konkret
qeyd etməmişdi.
Bu gün, 2020-ci ilin 8 yanvarında "Marneuli" radiosu ilə söhbətində
Laşa Loblanidze bildirdi ki, Marneuli meriyası Saimerlo kəndində
parkın qurulması üçün artıq 2020-ci ilin büdcəsində məbləğ ayırıb,
ikinci dünya müharibə qəhrəmanlarının memorialının yerləşdirilməsi
isə bu layihənin bir hissəsi olacaq.