“Tənqidin nəticəsi
xalqın gücüdür! 2019-cu ilin 20 dekabrında cənab Zaur Darğallı
həyata keçirdiyi ilərin hesabatını yalnız gürcü dilində təqdim
etdi. Mən buna görə öz Facebook səhifəmdə tənqid etdim ki,
azərbaycan dilində də olmalı idi. Bir ay keçməyib cənab Zaur 17
yanvar tarixində sosial proqramları gürcü və azərbaycan dilində
təqdim etdi – bu da tənqidin
nəticəsi”,
– Bu Əhməd
İmamquliyevin 18 yanvarda yayımladığı Facebook paylaşımıdır və o,
qeyd edir ki, Marneulinin meri Zaur Darğallının sosial proqramları
iki dildə təqdim etməsində bir növ onun da təsiri var.
“Yalnız mən deyil biz, Marneulilərin də etirazı var idi
ki, niyə cənab Zaur yalnız dövlət dilində danışır, əgər əhaliyə
məlumat çatdırmağı nəzərdə tuturdu və bilirik ki, Marneulidə
yaşayan etnik azərbaycanlıların təxminən 90% dövlət dilini bilmir.
Mən əhali tərəfindən seçilmişəm və əhalinin qarşısında öhdəliyim
var ki, onların istəyini və suallarını çatdırım (yerli
özünüidarəyə). Buna görə onların sözünü cənab Zaura
çatdırdım”, - Əhməd İmamquliyev deyir.
Zaur Darğallı “Marneuli” radiosu ilə söhbəti zamanı deyir ki,
sosial proqramın təqdimatını gürcü və azərbaycan dilində öz
təşəbbüsü ilə təqdim edib. Zaur Darğallının dediyinə görə, 2019-cu
ildə hesabatın təqdimatı zamanı texniki səhvlərə görə tərcüməni
təmin etmək mümkün olmayıb.
“Baş verən hər şey mənim təşəbbüsümlə olur. Siz
gördünüz ki, tərcümənin ikidilli olmasından əlavə jest dilində də
tərcüməçimiz var idi. Bir halda ki, görüş vacib idi, mən qərar
qəbul etdim ki, hər iki dildə onlarla danışım. 2019-cu ilin hesabat
tqədimatında isə tərcüməçi nəzər alınmışdı, ancaq texniki tərəfdən
nəisə alınması amma video çarx ikidilli idi və geniş miqyasda
təqdim etdik”, - Zaur Darğallı deyir.
Qeyd edək ki, 2019-cu ilin hesabat təqdimatında tərcümə
olunmadığına görə QHT nümayəndələri də narazılıq bildiriblər.