Marneuli meriyası 15 nəfər bacarıqlı tələbəni hər
il 1000 lari dəyərində məbləğlə mükafatlandıracaq.
Məlumatı Marneuli meri Zaur Darğallı 2020-ci ilin gənclər
proqramını təqdim edərkən verib və bildirib ki, onların mükafatı
tələbələrin motivasiyasını artıracaq. Pul mükafatını qazanmaq üçün
tələbələr müəyyən meyarları qane etməlidir.
“Seçim meyarları bunlardır: Mütləq akkreditasiyadan
keçmiş təhsil müəssisəsinin tələbəsi olmalıdır. Yüksək akademik
iştirakı (ən az 91 bal) olmalıdır. Layihələrə və müxtəlif
konfranslara qoşulmuş tələbələr bizim üçün çox maraqlı olacaq.
Motivasiyalardan biri odur ki, tələbə fəal olsun, həmçinin
motivasiya məktubu yazmaq da lazım olacaq”, - Zaur
Darğallı deyir.
Zaur Darğallı bildirir ki, Marneulili bacarıqlı tələbələrə güman
ki, pul mükafatı yeni il gecəsi veriləcək. Mer açıqlama verib ki,
uğurlu tələblərin mükafatlandırılması ənənəyə çevriləcək.
Foto: Marneuli meriyası