Gürcüstanda bu gündən havanın temperaturu
artacaq.
Sinoptiklərin verdiyi məlumata görə, bu gün Şərqi Gürcüstanın
müxtəlif rayonlarında çiskin olacağı gözlənilir, 19-20 fevral
tarixində isə ölkə ərazisinin əsasən əksər hissələrində açıq hava
şəraiti olacaq.
Hava temperaturu gündüz saatlarında Qərbi Gürcüstanın dağətəyi
hissəsində +12, +17 dərəcə, Şərqi Gürcüstanda aran hissəsində +10,
+15 dərəcəyə qədər artacaq.
“Tbilisidə 18-20 fevral tarixində əsasən açıq hava gözlənilir. Hava
isə +12, +14 dərəcəyə qədər isinəcək”, – Ətraf Mühitin Mühafizəsi
üzrə Milli Agentlikdən bildiriblər.