Gürcüstan miqyasında komendant saatının pozulması faktına görə 17 nəfər cərimələnib
Daxili İşlər Nazirliyinin
əməkdaşları gecə saatlarında Gürcüstan hökuməti tərəfindən tətbiq
edilən komendant saatına riayət olunmasına nəzarət ediblər.
“Hüquq mühafizəçiləri monitorinqlər nəticəsində son 24
saat ərzində ölkə daxilində fövqəladə vəziyyət rejiminin, o
cümlədən, komendant saatı qaydalarının pozulması ilə bağlı 60 fakt
aşkarlayıblar.
Daxili İşlər Nazirliyinin əməkdaşları saat 21:00-dan 6:00-a qədər
tətbiq olunan komendant saatının pozulması ilə bağlı Gürcüstan
miqyasında 17 vətəndaşı cərimələyib.
Polis İnzibati Xətalar Məcəlləsinin 173-cü (hüquq mühafizə orqanı
əməkdaşlarının qanuni tələblərinə tabe olmama) və 166-cı (xırda
xuliqanlıq) maddələri ilə nəzərdə tutulmuş qanun pozuntularına görə
5 nəfəri həbs edib.
Bundan əlavə, polis 23 nəfər vətəndaşı ictimai məkanda 3 nəfərdən
çox adam toplaşdığı üçün cərimələyib.
1 fiziki şəxs və 3 hüquqi şəxs ticarət fəaliyyəti ilə bağlı
məhdudiyyətləri pozduqlarına görə cərimə edilib."
Polis Xəstəliklərə Nəzarət Milli Mərkəzi ilə birlikdə,
özünütəcriddə olan vətəndaşların monitorinqini həyata keçirir ki,
bunun nəticəsində də özünütəcrid qaydalarının pozulması ilə bağlı
dörd yeni fakt aşkar edilib.
Daxili İşlər Nazirliyindən verilən açıqlamada sərnişin daşıma
qaydalarını pozduğuna və avtomobil idarə etməsinə görə 12 nəfərin
cərimələndiyi bildirilib.
Qeyd edək ki, fövqəladə vəziyyət rejiminin pozulması inzibati
məsuliyyətə səbəb olur ki, bunun üçün də fiziki şəxsin 3 000,
hüquqi şəxsin isə 15 000 lari həcmində cərimələnməsi nəzərdə
tutulur.