Bir Saylı Universitet Klinikasının kliniki direktoru Lali
Turdzeladzenin sözlərinə görə 23 mart tarixində koronavirusa
yoluxduğu təsdiqlənən Marneulili qadın sünii tənəffüs aparatından
çıxarılıb və onun vəziyyəti yaxşıdır.
Həkimin sözlərinə görə, hələlik koronavirusun müalicə olunub
olunmaması üçün yoxlanmağa tezdir, ancaq o, qeyd edib ki, vəziyyəti
ciddi şəkildə yaxşılaşıb və bu vəziyyəti saxlamaq üçün xəstə
həkimlərin nəzarəti altındadır.
Marneulili qadını 23 mart tarixində Tbilisiyə aparıblar. 23 mart
tarixində onun koronavirusa yoluxması təsdiqlənib. O, Marneulidəki
“Geo Hospitalsa” 18 mart tarixində sətəlcəm diaqnozu ilə daxil
olub. Tezliklə qadının vəziyyəti ağırlaşıb və xəstəni sünii
tənəffüs aparatına qoşublar.
Bu hal aşakrlandıqdan sonra Baş nazir Marneuli və Bolnisi
bələdiyyələrində ciddi rejimli karantin elan edib. Bələdiyyələrə
giriş və çıxışa polis nəzarət edir.
stopcov.ge-nin məlumatına görə, Gürcüstanda 117 nəfər koronavirusa
yoluxub, 23 nəfər isə sağalıb.
Mənbə: publika.ge