Tsereteli kəndində ehtiyacı olan ailələrə pulsuz çörək paylayırlar
Marneuli bələdiyyəsinin Tsereteli
kəndində ehtiyacı olan ailələrə pulsuz çörək paylayırlar.
Gün ərzində ehtiyacı olan ailələr üçün 125 çörək bişirilir və hər
ailəyə 4 çörək verilir. Aksiyanın 1 ay davam edəcəyi güman
edilir.
“Kənddə ehtiyacı olan və qoca sakinlər yaşayır. Ona
görə də qərar verdik ki, hansısa yolla onlara bu çətin dövrdə kömək
edək”, - Mirza Çxitunidze deyir. O, kənddə olan
çörəkxananı unla təmin edib. Mirza Çxitunidze karantin rejiminə
qədər də həmkəndlilərinə yardım edirmiş və onların kommunal xərcini
ödəyirmiş.
“27 mart tarixində Mirza Çxitunidze mənə zəng vurdu və dedi ki,
sənə pul köçürəcəyəm. Əvvəl 10 günlük pul köçürdü. Ona dəstəyi üçün
təşəkkür edirik”, – Tseretelidəki çörəkxanalarından
birinin sahibi deyir.
Marneuli və Bolnisi bələdiyyələrində 23 mart tarixində ciddi
rejimli karantin elan edilib. Hökumət bu qərarı Marneulili qadında
virus aşkarlandıqdan sonra verib.