Bəzi regional və milli yayımçılar “Acara TV” jurnalistlərinə dəstək
aksiyasında iştirak etdilər.
"Acarıstan İctimai Yayımının Jurnalistləri ilə həmrəylik" – bu yazı
“Palitra”, “Formula”, “TV Pirveli”, “Birinci Kanal”, “Kavkasia”,
“TV 25”, “Trialeti” və digər regional televiziyalar tərəfindən
yayımlandı.
Aksiya Media Koalisiyası tərəfindən təşkil edilmişdi və məqsədi
Acarıstan İctimai Yayımının jurnalistlərinə dəstək olmaq idi.
Yayımçıların bir qismi jurnalistlərlə həmrəylik nümayiş etdirmək
üçün ötən gün – 3 may 19:00-da bir dəqiqə efiri bağladı.
Dayandırılmış efir zamanı ekranlarda "Acarıstan İctimai Yayım
jurnalistləri ilə həmrəylik" yazısı göstərildi.