Marneulili 6 nəfər ikinci dünya veteranlarının siyahısında Varden
Şubitidzenin adı bir neçə həftədir ki, yoxdur.
Ailədə onun xatirələri çoxdur. Nəvəsi Tornike Şubitidze babasından
eşitdiyi, vətən müharibəsində baş vermiş bir çox hadisələri
xatırlayır. Onun xatirələrini indi foto kadrlar yaşadır.
"Mənim üçün ikinci dünya veteranının nəvəsi olmaq həmişə
qürurvericidir. Babam 98 il yaşadı. Qısa zamandır ki, bizi tərk
edib. Cəmi bir neçə həftədir. Ondan bizə əlbəttə ki, çox sayda
həyat hekayələri, emosiya və isti münasibət qaldı. Bunlar hamısı
fotolarda təsvir olunub. Bu xatirələri xüsusu olaraq
qoruyuruq",- Tornike deyir ki, babası faşizm üzərində
qələbə gününü qeyd etməyə xüsusilə hazırlaşırdı.
Onun əsas köməkçisi isə nəvəsi idi. O, babasının köynəyinə
medallarını taxar və onu bayramı qeyd edəcəyi tədbirlərə aparırmış.
Tornike "Marneuli" radiosu ilə bir neçə xatirəni bölüşdü.
Tornike babasını necə xatırlayır, həmin videonu izləyə
bilərsiz.
Onlardan babasının müharibəyə çağırılması günü və vətənə
qayıtmasının simvoluna çevrilən əşya da yer alır.
"Özünün dediyinə görə, müharibə başlayandan bir neçə ay
sonra ona hərbi çağırış gəlib. O zaman babası Saçxeredə, Çonto
kəndində yaşayırmış. Həmin məntəqədən onun müharibəyə yola
salınmasında yeddi nəfər iştirak edibmiş. Gürcü adətinə görə yola
salma mərasimini qeyd etmək üçün süfrə açılıb, heyvan kəsilib.
Maraqlı xatirələrdən biri məhz həmin süfrə ilə əlaqədardır.
Süfrədən kəsilmiş heyvanın sümüklərindən birini götürüb qapının
girişindən asıblar. Qərara alıblar ki, qapıdan çıxarkən hamı sümüyü
öpməlidir və müharibədən qayıdanda da eynisini təkrar erməlidirlər.
Süfrədə iştirak edən altı nəfərin hamısı 1945-ci ildə sağ salamat
qayıdıb. Yeddinci nəfər isə bu günə qədər də itkin hesab
olunur",- Tornike Şubitidze deyir.
Saimerlo kəndində yaşayan Varden Şubitidze 98 yaşında dünyasını
dəyişib. Marneuli bələsiyyəsində 6 nəfər vətən müharisi veteranı
qalıb və onlardan biri qadındır. Koronavirusa görə faşizm üzərində
qələbənin 75-ci ildönümü tədbiri keçirilməyəcək. Marneuli
bələsiyyəsi hər bir veterana 550 lari pul və ərzaq yardımı
verəcək.
Faşizm üzərində qələbə günü 9 may Gürcüstanda 1946-cı ildən qeyd
olunur.