Gürcüstan Dəmir Yolu iyunun 15-dən sərnişin daşımalarını bərpa
edəcək.
Gürcüstan Dəmir Yolundan verilən məlumata görə, şirkət
sərnişinlərin təhlükəsiz daşınmasına hazırdır və Səhiyyə Nazirliyi
tərəfindən müəyyən edilmiş qaydalara uyğun olaraq fəaliyyətini
davam etdirəcək.
Gürcüstan Dəmir Yollarının bildirdiyinə görə, bu gün qatar
vaqonları Səhiyyə Nazirliyinin nümayəndələri tərəfindən yoxlanılıb.
Onlar bildiriblər ki, Gürcüstan Dəmir Yolu bütün qaydalara ciddi
riayət edir və sərnişin daşınmasını bərpa etməyə hazırdır.
Gürcüstan Dəmir Yollarından bildirdiblər ki, dəmir yolu nəqliyyatı
üçün tövsiyələrin hazırlanması prosesində onlar özləri də iştirak
edib.
Gürcüstan Dəmir Yolu Tibbi Xidmətinin rəhbəri Nika Kaçarava
sərnişinlər üçün xüsusi təlimatların hazırlandığını söyləyir. Bütün
sərnişinlər bu təlimatlara əsasən, vaqonun girişində termoskrininq
ediləcək və qatara minən kimi dezobaryerdən keçməli və əllərini
xüsusi məhlul ilə dezinfeksiya etməli olacaqlar.
Dəmir yolu nümayəndəsinin sözlərinə görə, bütün vaqonlarda əl
dispenserləri quraşdırılıb. Bununla yanaşı qeyd olunur ki,
sərnişinlərin qoruyucu maskasız qatara minməsinə icazə
verilməyəcək:
"Karantin dövründə şirkət Covid-19 ilə bağlı bütün tövsiyələri
nəzərə aldı və tam riayət etdi. İndi isə mövsümə hazırlaşırıq.
Səhiyyə Nazirliyi ilə birlikdə səyahət üçün xüsusi təlimatlar
hazırladıq. Daha dəqiq desək, vaqonların girişlərində sərnişinlər
termoskrininqdən keçəcəklər və qatara minən kimi dezobaryerdən
keçməli və əllərini xüsusi məhlul ilə dezinfeksiya etməli
olacaqlar. Əl dispenserləri bütün vaqonlarda artıq
quraşdırılıb.
Sərnişinlərin əvvəlcədən sosial məsafəyə riayət etməli olduqlarını
və virus əlamətləri varsa, səyahət etmələrinin lazım olmadığını
əvvəlcədən bilməsi vacibdir. Sərnişinlərin qoruyucu maska olmadan
vaqonlara daxil olmasına və səyahət zamanı bu maskanı çıxarmasına
icazə verilmir", – deyə Gürcüstan Dəmir Yolu Tibbi
Xidmətinin rəhbəri Nika Kaçarava bildirib.