Əl yelləməklə qovulan milçəklər və antisanitaria — çörək pulu qazanmaq üçün qanunsuz küçə ticarəti
15:53 / 08.06.2020
Marneuli bazarı ərazisində küçə ticarəti yenə də problem olaraq
qalır. Ətrafda kustar yolla düzəldilmiş çox sayda piştaxta görə
bilərsiniz.
Piştaxtalarda əsasən pendir, kəsmik, qatıq və yumurta satılır.
Orada süd məhsullarını yalnız vizual olaraq yoxlayırlar. Ancaq
təəccüblü olsa da, alıcılar çoxdur. Bu gün satıcılar İmereti
pendirini 6-7 lariyə satırlar.
Piştaxtaların ətrafında antisanitariya hökm sürür. Süd məhsulları
istidə, temperatur rejimi qorunmadan satılır. Məhsula çox sayda
milçək qonur, ancaq satıcılar üçün bu problem deyil. Alıcı
yaxınlaşan zaman həşəratları əlləri ilə qovurlar.
"Nə edim, buraya çıxmağa məcburam. Acından ölməliyəm?
Polis gəlir, bizi buradan uzaqlaşdırır. Biz də qaçırıq, sonra yenə
qayıdırıq. Uşaqlarımız acından ölür, ailəmizi necə dolandıraq.
Artıq 15 ildir ki, sosial yardım alıram. Ancaq hökumətin birdəfəlik
300 larilik yardımını da ala bilmədim. Mən özünüməşğul adamam,
rəsmi iş yerim yoxdur. Bir qayda olaraq yardım evsizlər,
aztəminatlılar və tək yaşayanlar üçün olmalıdır. Amma bu qanun
belələrinə aid deyil."
"Küçə ticarəti qadağan olunub. Ancaq buraya gizlin çıxmalı
oluruq", - küçə ticarətçiləri deyirlər.
Demək olar ki, özünüməşğullar vergiyə görə daxili bazara getmək
istəmirlər.
üçə ticarətçilərinə nəzarət Milli Qida Agentliyinin
səlahiyyətlərinə daxil deyil. Küçə ticarətçilərinə nəzarət
meriyanın nəzarət xidmətinin öhdəliyindədir. Onlar hələ də bizim
zənglərimizə cavab vermirlər. Biz mövzu üzərində işləməyə davam
edirik və cavab alan kimi məlumatı yeniləyəcəyik.