MSK-nın mətbuat katibi Ana Mikeladzenin sözlərinə görə, saat
15:00-a qədər dairə seçki komissiyalarına 90 şikayət daxil olub.
Onun sözlərinə görə, qeyd olunan şikayətlər əsasən prosedur
çatışmazlıqları ilə əlaqədardır.
"Məsələn, bunlar
püşkatma prosedurlarının pozulması, nəzarət vərəqəsinin düzgün
doldurulmaması, qeyd jurnalının yazılması qaydalarının pozulması və
digər növ çatışmazlıqlardır.
"Hər seçki şikayəti dairə seçki komissiyaları
tərəfindən qanunla müəyyən edilmiş müddətdə araşdırılacaq və
müvafiq olaraq cavab veriləcək",– deyə Mikeladze
vurğulayıb.
Bu gün, 31 oktyabrda Gürcüstanda parlament seçkiləri keçirilir.
Mərkəzi Seçki Komissiyasının məlumatına görə, saat 15:00-a qədər 1
milyon 279 min 947 seçici seçki məntəqələrində səs vermək üçün
qeydiyyatdan keçmiş və parlament seçkilərində iştirak etmişdir ki,
bu da ümumi sayın 36,45 faizini təşkil edir. Səsvermə prossesi
davam edir.
Bu barədə MSK-nın mətbuat katibi Ana Mikeladze açıqlama verib.