Marneuli bələdiyyəsinin yerli özünüidarəsi poçt-kuryer xidməti üçün
tender elan edib.
Marneuli meriyasının İnzibati Xidmətinin rəhbəri Nino Dekanoidze
“Marneuli” radiosuna bildirdi ki, meriya poçt-kuryer xidməti üçün
bu il ilk dəfə tender elan edib.
“Yeni qanunvericilik tənzimləmələrinə uyğun olaraq
bütün bələdiyyələr qeyd olunan tenderi elan etmək
məcburiyyətindədir. Əvvəl tender elan edilmirdi. Gürcüstan poçtu
ilə müqavilə bağlayırdıq və Gürcüstan poçtu bələdiyyələrə xidmət
göstərirdi. İndi bazarda artıq geniş kuryer xidmətləri var və qeyd
olunan xidmətləri göstərə bilərlər. Çox ehtiyac var və
bələdiyyələrin tender əsasında hərəkət imkanı var”, –
Nino Dekanoidze bildirdi.
Marneuli yerli özünüidarəsi kuryer xidməti üçün 24 dekabr tarixində
tender elan edib. Tenderdə iştirak etmək istəyən şirkətlər 16
yanvardan 18 yanvar tarixinə qədər təkliflərini təqdim edə
bilərlər.