İqtisadiyyat Nazirliyindən verilən məlumata görə, Lufthansa Qrupuna
daxil olan Almaniyanın kiçik büdcəli "Eurowings" hava yolu şirkəti
Gürcüstan istiqamətində müntəzəm uçuş fəaliyyəti göstərməyi
planlaşdırır.
Aviaşirkət artıq müntəzəm hava trafiki icazəsi almaq üçün
Gürcüstanın İqtisadiyyat və Davamlı İnkişaf Nazirliyinin Mülki
Aviasiya Agentliyinə rəsmi müraciət edib.
“Sevindirici haldır ki, köhnə hava daşıyıcı
şirkətlərinə qayıtmaqla yanaşı, yeni iştirakçılar da əlavə edirik.
"Eurowings" rəsmi olaraq istəyini bildirib və Mülki Aviasiya
Agentliyinə müraciət edib ki, yay aylarında əvvəlcə Tbilisi -
Düsseldorf - Tbilisi uçuşları başlayacaq, sonra ərazini
genişləndirəcək. Turizmin canlanmasından sonra yeni hava yollarının
Gürcüstan bazarına qatılacağını gözləyirik", - deyə
İqtisadiyyat və Davamlı İnkişaf naziri Natia Turnava bildirib.
Nazirlikdən verilən məlumata görə, bu il iyulun 21-dən etibarən
"Eurowings" Düsseldorf-Tbilisi-Düsseldorf reyslərini həyata
keçirəcək. Uçuşlar həftədə iki dəfə Airbus-320 təyyarələri ilə
həyata keçiriləcək.