Sabiq prezident Mixeil Saakaşvili, Gürcüstan Pravoslav Kilsəsi
Patriarxlığının bəzi nümayəndələrinin açıqlamasını təxribat
adlandırıb və özünün Sinodun əsas mövqelərinin davamçısı olduğunu
və II İliyanın mənəvi oğlu olduğunu söyləyib.
Bu, Saakaşvilinin məktubunda qeyd edilib.
Saakaşvilinin sözlərinə görə, o, konkordatın əsasını özü qoyub və
hətta dövlət bayrağında xaçın qanuniləşdirilməsi uğrunda mübarizə
aparıb və tarixi heç kim təkrar edə bilməz.
“Arxasında rus qulaqları aydın görünən təxribata cavab vermək
istəyirəm. Kommunistlərin dövründən bəri, 1979-cu ildən, hələ
uşaqlıqdan, mənim müəllimim ilə birlikdə müqəddəs ayinlərə
qatılırdım, hələ də mənəvi oğlu olaraq qalıram və əsasən dini
məsələlərdə onun bütün mövqelərini dəstəkləyirəm.
Müstəqilliyin bərpasından sonra Ədliyyə Nazirliyi ilə Patriarxlıq
arasında müqavilə imzalayan və sonrakı konkordatın təməlini qoyan
ilk nazir oldum. Tbilisi Şəhər Şurasına sədrlik dövründə beş xaçlı
bayrağı qanuniləşdirmək üçün birlikdə mübarizə apardıq, birlikdə
Baqrati, sonra Poti və Nekresi məbədlərini yenidən qurduq.
Digər kilsələrlə münasibətlər də daxil olmaqla bütün əsas
məsələlərdə onun və Müqəddəs Sinodun əsas mövqelərinin davamçısı
olmuşam və olmağa da davam edirəm. Dövlət bayrağındakı xaçın
yaradıcısına həbsxanada sinəsində öz balaca xaçını daşımağa icazə
vermirlər, qaldı ki, başqa mövzulara heç kimə yenidən tarix yazmağı
məsləhət görmürəm. Yalanın qısa ayaqları olduğu üçün cəmiyyətin
amneziyaya ehtiyacı yoxdur", - deyə Saakaşvili yazıb.
Xatırladaq ki, Gürcü Pravoslav Kilsəsinin Muciri Mitropolit
Şioyanın sözlərinə görə İncil hər zaman hamı ilə barışmağı və
bağışlamanı təbliğ etmir.
“Bu gün ümumbəşəri barışıqdan danışırlar. Yeri gəlmişkən,
xristianlığı tez-tez səhv şərh edirlər, hər kəsin hər şey üçün
bağışlanmalı olduğunu, hər kəsin həmişə barışmalı olduğunu
söyləyirlər",- deyə əlavə edib.
Ruhaninin dili ilə desək, "İncildə belə bir şey yazılmayıb".
"Şərin ədalətli bir cəza ilə cəzalandırılması lazım olduğuna əlavə
olaraq, bəzən həddindən artıq hallarda belə bir şəxsi, həyatımızdan
və cəmiyyətimizdən dəf edək", - deyə o bildirib.
Mitropolit Şio, xütbəsi dəfələrlə Saakaşvili məsələsi ilə əlaqəli
olsa da, oktyabrın 1-dən həbsdə olan Gürcüstanın keçmiş prezidenti
Saakaşvilidən birbaşa danışmayıb.
Patriarxlığın ictimaiyyətlə əlaqələr şöbəsinin müdiri, keşiş Andria
Gağmaidze "Imedi"-yə verdiyi müsahibə zamanı bu fakta toxunub və
deyib:
"Nə partiyanın, nə də həbsxananın adının çəkilmədiyi bu ümumi
xütbədə Nika Qvaramia nəyə görə Saakaşvilinin söhbətini açıb?! Biz
qəddarlığı xatrlatdıq və o Saakaşvili ilə əlaqələndirdi".
Xütbədən əvvəl Pravoslav Kilsəsinin Müqəddəs Sinodunun bir neçə
üzvü Saakaşvilinin azadlığa buraxılmasını tələb edən petisiyaya
imza ataraq "ümumbəşəri barışığa" çağırış edib.