“Biz daha 1 000 əməkdaş götürməyə
hazırıq”, – bu barədə “Acara Tekstilin” maliyyə
direktoru “Biznespressnews”-a bildirib. Söhbət bu il açılmış və
“Acara Tekstilin” sayca dördüncü
müəsisəi olan “Kartli tekstildən” gedir. Qia Lominadzenin sözlərinə
görə, xarici tərəfdalşların çoxalmaqda olan sifarişlərinin sayı
kadrlara tələbat yaradıb.
Yeni açılmış tekstildə indiki mərhələdə 1000-ə yaxın adam işlə
təmin edilib. Layihənin ümumi dəyəri isə 20 milyon laridir.
“Biz davamlı şəkildə kadrlar qəbul ediirik. İstəyirik
ki, müəssisələri artıraq. Hazırda “Kartli tekstildə” 1 500 adam
işlə təmin olunub. Biz daha 1 000 nəfər qəbul etməyə hazırıq. Buna
səbəb bizim tərəfdaşlarımız, yəni beynəlxalq brendlər tərəfindən
çox sayda sifarişlərin verilməsidir. Pandemiyaya baxmayaraq, artma
tendensiyası qalmaqdadır.
Ümumiyyətlə, bizim şirkətin şəbəkəsində 5 000-ə yaxın adam işlə
təmin edilib və davamlı olaraq hər yerdə kadrlar
artırırıq”, - Qia Lominadze bildirib.
Şirkət illər ərzində yerli bazarda işləyən müxtəlif dərzixanalarla
əməkdaşlıq edirmiş. Ancaq Qia Lominadzenin sözlərinə görə, indi
artıq şirkət bütün sifarişləri özü hazırlayır.
“Hazırda bizim başqa dərzixanalarla əməkdaşlığımız yoxdur və bütün
sifarişləri özümüz hazırlayırıq”, - Qia Lominadze
bildirib.
Qeyd etmək lazımdır ki, ixrac edən “Acara Tekstil” şirkəti tekstil
sənayesi sahəsinə 2009-cu ildən qoşulub və bu günə qədər Batumidə,
Kobuletidə, Poti və Rustavidə dörd tikiş zavodunu birləşdirir.
Şirkət beynəlxalq bazarda idman məhsulları satışını həyata keçirir
və Adidas, Lotto, Erima, Under Armour və s. Idman brendləri ilə
əməkdaşlıq edir.