Sabah, noyabrın 23-də Tbilisidə Qızılgül İnqilabının ildönümü ilə
əlaqədar Respublika Meydanından Azadlıq Meydanına qədər canlı
zəncir aksiyası keçiriləcək.
Sosial şəbəkədə müvafiq Facebook iventini Nanuka Jorjoliani
yaradıb:
“2003-cü il noyabrın 23-dən sonra Gürcüstan korrupsiyasız ölkəyə
çevrildi. Gənclərə “düzəltmə” olmadan ali təhsil almaq imkanı
verildi. Dondurulmuş və təqaüdlər paylandı, artırıldı, rus "QAİ"si
əvəzinə patrul polisi yarandı, ac ordu əvəzinə təlim keçmiş ordu,
cinayət əvəzinə-nizam-intizam, qaranlıq əvəzinə yenidənqurma,
Aslansız Acarıstan, fəaliyyətsizlik əvəzinə islahatlar və, ən əsası
Rusiya əvəzinə Qərbi qazandıq.
18 ildən sonra Qızılgül İnqilabının əsas ideal və prinsiplərinə
sadiq qalanların hamısı Azadlıq Meydanından Gül (Respublika)
Meydanına kimi canlı bir zəncirdə toplaşacaqlar”, -
deyə tədbirin təsvirində qeyd olunur.
İnsanlar 2003-cü il noyabrın 2-də keçirilmiş seçkilərin
nəticələrinə etiraz etmək üçün küçələrə axışıblar. Noyabrın 23-də
keçirilən etiraz aksiyaları prezident Eduard Şevardnadzenin
istefası və hakimiyyət dəyişikliyi ilə müşayiət olunub.