Gürcüstanın üçüncü prezidenti Mixeil Saakaşvili məktub dərc edib.
O, dünənki məktubuna əlavə izahat verib.
“Dünənki yazıma gəlincə - ümid edirəm ki, yaxın
günlərdə mənim azadlığımla bağlı ictimai komitə yaradılacaq. Eyni
zamanda, Vahid Milli Hərəkatın bundan sonra da eyni güclə bu
istiqamətdə fəaliyyətini davam etdirəcəyini də səbirsizliklə
gözləyirəm. Digər partiyalara və ayrı-ayrı şəxslərə fəallıqlarına
görə minnətdaram və bu, istər-istəməz geniş ictimaiyyətin fəallıq
dalğasına səbəb olacaq.
Sizi çoxlu müxtəlif mitinqlər keçirməyə səsləyirəm və dekabrda bir
böyük milli mitinqə hazırlaşmalıyıq.
29-a təyin edilmiş “məhkəmə” günü isə xahiş edirəm, məhkəmə
qarşısına toplaşasınız. Bu, son iki ayda birbaşa müraciət üçün ilk
fürsət olacaq. Biz hamımız bilirik ki, məhkəmə qondarmadır, lakin
biz ondan görüş yerimiz kimi istifadə edə bilərik", -
deyə Mixeil Saakaşvili yazıb.
Dünən Mixail Saakaşvili Qori Hərbi Hospitalından məktub göndərib və
orada yazıb ki, təşəbbüs qrupunun onun azadlığa buraxılması
kampaniyası üzərində işləməsi çox yaxşı olar və bu, bir tərəfdən,
müxalifətin ümumi siyasi xəttini nəzərə alacaq və digər tərəfdən,
hazırkı kampaniyanı koordinasiya edəcək.