“Evə get .. öz evinə get, öz rusdilli xalqını qorumaq
üçün bütün dünyaya deyil, öz evinə get - orada onlar heç də az
deyil, təxminən 150 milyon nəfərdirlər. Burada isə .. Ukraynaya eşq
olsun!”
- Ukrayna prezidenti Vladimir Zelenski Rusiya prezidenti Vladimir
Putinə belə müraciət edib.
O, Rusiyanın Ukraynaya hücumunu virusa bənzədib və deyib ki,
Ukraynada ilk koronavirus hadisəsinin təsdiqlənməsindən iki il
sonra, ölkəyə yeni virusun hücumundan bir həftə keçib.
Zelenski deyib ki, Ukrayna öz torpağı, xalqı və azadlığı üçün
mübarizə aparır.
“Biz öz tariximizdə və öz ərazimizdə iki dünya
müharibəsi, üç aclıq, holokost, böyük terror, Çernobıl partlayışı,
Krımın işğalı və Ukraynanın şərqindəki müharibə ilə üzləşmişik.
Bizim okeandan okeana qədər nəhəng ərazimiz yoxdur, nüvə silahımız
yoxdur, dünya bazarını neft və qazla təmin etmirik. Amma bizim
xalqımız var, torpağımız var və bizim üçün qızıldır. Bunun üçün
mübarizə aparırıq. Azadlığımızdan və ləyaqətimizdən başqa
itirəcəyimiz heç nə yoxdur. Bu, bizim üçün ən böyük xəzinədir.
Dəfələrlə bizi məhv etmək istədilər, bacarmadılar, torpağın
üzərindən silmək istədilər, amma arzularına çata bilmədilər.
Arxamızdan vurdular, amma biz ayaq üstə dayandıq. Susmağımızı
istədilər, amma bütün dünya bizi eşitdi. Biz o qədər çox şey
yaşadıq ki, əgər kimsə fikirləşsə ki, bütün bunları aradan
qaldırandan sonra ukraynalılar qorxuya düşəcək, qırılacaq və ya
təslim olacaqlar, onlar bizim haqqımızda heç nə bilmirlər, onların
bizimlə heç bir əlaqəsi yoxdur”, - deyə Zelenski
bildirib.