Martın 29-da Ukrayna Radasında Rusiya kilsəsinin və onun
rəhbərliyinin Ukrayna ərazisində fəaliyyətini qadağan edən qanun
layihəsi qeydə alınıb.
Qanun layihəsinin müəlifi Oksana Şavçukdur. Məlumatı Ukraynanın
“Azadlıq” radiosunun bürosu yayıb.
Layihəyə əsasən, “Dini etiqad azadlığı haqqında” qanuna dəyişiklik
ediləcək.
Dəyişikliklərə Rusiya Patriarxının, Kilsənin və Ukrayna Kilsəsinə
daxil olmayan Rusiya dini təşkilatlarının fəaliyyətinin qadağan
edilməsi daxildir.
Dəyişikliklər edilərsə, kilsənin və onun rəhbərliyinin bütün əmlakı
48 saat ərzində milliləşdiriləcək. Qanun layihəsinə görə, dini
birliklər və kilsələr 14 gün ərzində rus kilsəsinə tabe olmaqdan
imtina edərlərsə, o zaman kilsə mülkiyyəti onlarda qalacaq. Qanun
layihəsinə görə, Kiyev-Peçora, Poçayev və Svyatoqorsk Lavrası
dövlət mülkiyyətinə keçəcək.