Qori Bələdiyyəsinin Mədəniyyət və Turizmin İnkişafı Agentliyinin
baş mühasibi dövlət vəsaitini mənimsəməkdə ittiham edilərək
saxlanılıb.
Bu barədə məlumatı Dövlət Təhlükəsizliyi Xidmətinin Korrupsiyaya
Qarşı Mübarizə İdarəsi yayıb. Qurumun məlumatına görə, ümumilikdə
o, büdcədən 143 985 lari mənimsəyib,
“lakin mühasibat
uçotu və bank sənədlərinin tədqiqi intensiv şəkildə davam edir, bu
iş başa çatdıqdan sonra mənimsənilən məbləğin kəskin şəkildə
artacağı gözlənilir”.
“İstintaqla müəyyən edilib ki, adıçəkilən şəxs
adıçəkilən vəzifədə işlədiyi müddətdə “TBC Bank” ASC və “Liberty
Bank” ASC-də açdığı şəxsi bank hesabında Agentliyə məxsus müxtəlif
təyinatlı büdcə vəsaitlərini sistematik olaraq hesablayıb və sonra
onları onlayn bukmekerlərdə istifadə edib".
Həmin şəxs vəzifə səlahiyyətlərindən istifadə edərək külli miqdarda
pulu mənimsəməkdə ittiham olunaraq həbs edilib.
Bundan əvvəl dövlət auditi hadisə ilə bağlı rəsmi məlumat yayıb.
Həmin vaxt agentlik yalnız təqsirləndirilən şəxsin dövlət
büdcəsindən şəxsi hesablara pul köçürməsini bilsə də, açıqlamada
bukmeker kontorlarından bəhs edilməyib.