Avropa Parlamenti bəzi qeyd-şərtlərlə Gürcüstanın keçmiş baş naziri
Bidzina İvanişviliyə qarşı sanksiyaların tətbiqini dəstəkləyib.
Xüsusilə, Avropa Parlamentinin üzvü Miriam Leksmanın müəllifi
olduğu qətnamənin beşinci düzəlişində qeyd olunur ki, İvanişviliyə
və demokratik proseslərin pisləşməsinə görə məsuliyyət daşıyan
bütün şəxslərə qarşı sanksiyalar tətbiq edilməlidir. O, bildirib
ki, Gürcüstan Rusiyaya beynəlxalq sanksiyalardan yayınmağa kömək
edir.
“[Avropa Parlamenti] Rusiya vətəndaşları və
qurumlarının Qərbin sanksiyalarından yan keçmək üçün Gürcüstandan
istifadə etdiyinə dair xəbərlərdən narahatdır. Aİ qurumlarını bu
iddiaları, o cümlədən Bidzina İvanişvilinin Rusiya ilə
əlaqələrindən bəhs edən Ukrayna Korrupsiyaya Qarşı Mübarizə üzrə
Milli Agentliyin hesabatının öyrənilməsini daha da araşdırmağa
çağırır. Bu ittihamlar təsdiqini taparsa, Bidzina İvanişviliyə və
onun ən yaxın şirkətlərinə qarşı şəxsi sanksiyaların tətbiqinə
çağırır və qeyd edir ki, Ukrayna hazırkı Gürcüstan hökumətinin
birmənalı olmayan mövqeyinin arxasında duran İvanişvilinin ailə
üzvləri və onun yaxın adamlarına qarşı Rusiya, Kremllə bağlarına
görə sanksiyalar tətbiq edib. Bununla əlaqədar, o, Rusiyaya qarşı
yeni meyarlar siyahısını özündə əks etdirən səkkizinci sanksiyalar
paketinin qəbulunu alqışlayır və bu, Aİ-yə sanksiyalardan yayınmağa
kömək edənlərə qarşı sanksiyalar tətbiq etməyə imkan
verəcək”, - Avropa Parlamentinin hesabatında
deyilir.
Bugünkü iclasda 275 deputat bu dəyişikliyi dəstəkləyib. 212 deputat
buna qarşı çıxıb. 132 nəfər bitərəf qalıb.
Bundan başqa, sənədə İvanişvili ilə bağlı daha bir qeyd daxil
edilib. Bu halda da düzəlişin müəllifi Avropa Parlamentinin
deputatı Miriam Leksmandır.
“Avropa Parlamenti} Gürcüstana namizəd statusu
verilməzdən əvvəl həll edilməli olan Avropa Komissiyasının müəyyən
etdiyi prioritetlərdən biri kimi ayrı-ayrı insanların şəxsi
maraqlarının iqtisadi, siyasi və ictimai həyatda həddindən artıq
təsirinin aradan qaldırılmasının zəruriliyini vurğulayır;
Ölkənin siyasi, iqtisadi və ictimai həyatının müxtəlif sahələrində
struktur və tənzimləyici islahatlar vasitəsilə şəxsi maraqların,
xüsusən də keçmiş baş nazir Bidzina İvanişvilinin həddindən artıq
təsiri məsələsinin sistemli şəkildə həllini tövsiyə edir;
Biz Avropa İttifaqı Şurasına və demokratik tərəfdaşlara
İvanişviliyə və demokratik siyasi prosesin pisləşməsinə şərait
yaradan və buna cavabdeh olan hər kəsə qarşı şəxsi sanksiyalar da
daxil olmaqla, müvafiq tədbirlər görməyə çağırışımızı
təkrarlayırıq”, - hesabatda deyilir. Sözügedən
düzəlişi Avropa Parlamentinin 275 üzvü dəstəkləyib, 212 deputat
əleyhinə çıxıb, 132 deputat isə bitərəf qalıb.