Marneuli bələdiyyəsinin 2023-cü il büdcəsində dəyişiklik edilib.
Dəyişiklikləri Bələdiyyə Məclisinin 29 iyun tarixində baş tutan
iclasında dəstəkləyiblər.
Məsələni Maliyyə-Büdcə Xidmətinin nümayəndəsi Larisa Qelaşvili
müzakirəyə çıxarıb. O, bildirib ki, qənaət hesabına meriyanın
ehtiyat fondu artıb. İdman tədbirləri üçün nəzərdə tutulmuş
mükafatlara vəsait əlavə olunub və Marneuli Mədəniyyət Mərkəzində
fəaliyyət göstərən teatr truppasına 15 000 lari ayrılıb.
“Bələdiyyənin ehtiyat fondu 100 000 lari artırılır. Bu
məbləğ meriyanın qeyri-maddi aktivlərinin artırılması maddəsindən,
qənaət nəticəsində əldə olunub. Eləcə də idman tədbirlərinin digər
xərclər maddəsi artırılır. Müxtəlif mükafatların verilməsi üçün
fondu 10 000 lari artırmışıq. Həmçinin, Marneuli Mədəniyyət Mərkəzi
üçün 15 000 lari subsidiya hazırlayırıq. Bildiyiniz kimi, teatr
truppası müəyyən qələbə qazandı və subsidiya edirik. Həmin 15 000
lari mədəniyyət tədbirləri maddəsindən əldə olunub. Qənaət hesabına
büdcə dəyişikliklərlə balanslaşdırıldı”, – Larisa
Qelaşvili bildirib.
Bələdiyyə Məclisinin 29 iyunda baş tuutan iclasında ümumilikdə 4
məsələ müzakirə olunub. Dörd məsələnin hamısı ilə bağlı müsbət
qərar qəbul ediblər.
Müzakirə olunan məsələlər bunlardır:
- “Marneuli bələdiyyəsinin 2023-cü il büdcəsinin
təsdiqlənməsi haqqında” Marneuli Bələdiyyə Məclisinin 2022-ci il 26
dekabra olan 29 nömrəli sərəncamında dəyişiklik edilməsi
haqqında.
- Marneuli Bələdiyyə meriyasının Əmlak İdarəsi və
Maddi-Texniki Təminat Xidmətinin 2023-cü il 27 aprelə olan
07-322311746 nömrəli xatırlatma kartının müzakirəsi
haqqında.
- Marneuli meriyasının Əmlak İdarəsi və Maddi-Texniki
Təminat Xidmətinin 2023-cü ilin 16 maya olan 07-3223136186 nömrəli
xatırlatma kartının müzakirəsi haqqında
- Sosial məsələlər